“Иғтибар, йәйәүле!”

Йәйәүлеләр ҡатнашлығында юл-транспорт ваҡиғаларын иҫкәртеү маҡсатында 2020 йылдың 24 ғинуарынан 2 февраленә тиклем Дәүләт автоинспекция хеҙмәткәрҙәре тарафынан район территорияһында “Иғтибар, йәйәүле!” профилактик сараһы уҙғарыла. Улар айырыуса билдәләнмәгән урында юл аша сығыусы йәйәүлеләргә, шулай уҡ йәйәүлеләр сыға торған урында юл бирмәгән водителдәргә иғтибар итә.

Хөрмәтле йәйәүлеләр, юл хәрәкәте ҡағиҙәләрен күҙәтеү һеҙҙең хәүефһеҙлегегеҙ нигеҙе икәнен иҫегеҙҙә тотоғоҙ. Водителдәр, йәйәүле юл аша сыға торған урындарҙа айырыуса иғтибарлы булыуығыҙҙы, бигерәк тә белем биреү учреждениелары янында тиҙлекте кәметеүегеҙҙе үтенәбеҙ.