Ғаиләләргә – ярҙам

Заря ауылында ойошторолған профилактика үҙәге советына өс имен булмаған ғаилә саҡырылды. Сарала райондың балиғ булмағандар эше буйынса комиссия секретары Д.Р.Хисамова, Арх-Латыш ауыл биләмәһе башлығы А.Ә.Ибәтуллин, полицияның балиғ булмағандар эше буйынса инспектор вазифаһын башҡарыусы С.В. Могучев, участка уполномоченныйы А.С.Фәйрүзов, Максим Горький ауылы мәктәбенең социаль педагогы Г.Р.Бәширова, “Ғаилә” хеҙмәте белгестәре, урындағы депутат Н.А.Шпон ҡатнашты.

Һөйләшеү барышында ауыр тормош хәлендә ҡалыусы ғаиләләргә һәм унда тәрбиәләнеүсе балаларға социаль һәм психологик ярҙам күрһәтеү бурысы йөкмәтелде. Киләсәктә ошо йүнәлештә эшмәкәрлекте дауам итеү маҡсат итеп ҡуйылды.

Альберт Рәхимов.