+7 °С
Ясно
Новости
21 Января 2020, 13:55
Күп фатирлы йорттарҙы капиталь ремонтлауға түләү артасаҡ
Башҡортостан хөкүмәте ҡарарына ярашлы, 2020 йылдан алты ҡатҡа тиклемге күп фатирлы йорттарҙа капиталь ремонт өсөн түләүҙең минималь күләме — бер квадрат метр өсөн 6,9 һум (хәҙер – 5,2 һум), ә алты ҡаттан бейегерәк йорттарҙа бер квадрат метр өсөн 7,5 һум (хәҙер – 5,8 һум) була.
Башҡортостан хөкүмәте ҡарарына ярашлы, 2020 йылдан алты ҡатҡа тиклемге күп фатирлы йорттарҙа капиталь ремонт өсөн түләүҙең минималь күләме — бер квадрат метр өсөн 6,9 һум (хәҙер – 5,2 һум), ә алты ҡаттан бейегерәк йорттарҙа бер квадрат метр өсөн 7,5 һум (хәҙер – 5,8 һум) була.
Республикала норматив 2014 йылдан үҙгәрмәгән, тип иҫкә төшөрҙөләр «Төбәк операторы» коммерцияға ҡарамаған ойошмаһында. 2019 йылда Рәсәйҙә түләүҙе уртаса күләме – бер квадрат метр өсөн 9,8 һум. Төбәк операторы иҫәпләүҙәре буйынса, 2019 йылда республика өсөн иҡтисади яҡтан нигеҙләнгән түләү күләме 10,9 һум тәшкил иткән.
Башҡортостанда 30 йылға иҫәпләнгән күп фатирлы йорттарҙы капиталь ремонтлау программаһына (2014-2043 йылдар) 17 023 йорт индерелгән.
«Башҡортостанда тарифтар — илдә иң түбәндәрҙең береһе. Түләүҙең минималь күләме 46 төбәктә артҡан да инде, 2020 йылда Рәсәйҙең тағы 27 субъектында тарифтар ҡиммәтләнә», — тип белдерҙеләр республика Торлаҡ-коммуналь хужалыҡ министрлығында.
2021 һәм 2022 йылдарҙа түләүҙең күләме инфляция кимәленән сығып үҙгәртелә.
Редакция һайлауы
