+11 °С
Облачно
Новости
1 Декабря 2019, 10:45
Бергә яҡшыраҡ булдырабыҙ
Ошо көндәрҙә район башҡорттары ҡоролтайы башҡарма комитеты сираттағы ултырышын уҙғарҙы.
Ошо көндәрҙә район башҡорттары ҡоролтайы башҡарма комитеты сираттағы ултырышын уҙғарҙы. Сарала түбәндәге мөһим һорауҙар ҡаралды.
Тәү сиратта, “Айыҡ ауыл – 2019” бәйгеһендә ҡатнашыусы Убалар ауылында үткән йыйылыш йомғаҡтары барланды, Ҡоролтай башҡарма комитеты комиссияларының отчеты тыңланды, Убалар ауылында “Айыҡ ауыл – 2019” бәйгеһен йомғаҡлау, шулай уҡ Мәүлит байрамын, районда “Килендәр һәм ҡәйнәләр” конкурсын үткәреү тураһында мәғлүмәт еткерелде.
Көн тәртибендә Архангелдәге башҡарма комитеттың эшендә, кәңәшмәләрҙә ҡатнаша алмаусы ағзалар тураһында ла һүҙ алып барылды. Һөҙөмтәлә, ошо йәмәғәт ойошмаһының өс ағзаһы исемлектән сығарылып, яңынан бер кеше иҫәпкә алынды.
Кәңәшмәлә социаль селтәрҙәрҙә урындағы ҡоролтайҙың эшмәкәрлеген яҡтыртыу тураһында әүҙемлек күрһәтеү мәсьәләһе лә иғтибар үҙәгендә булды.
Альберт Рәхимов.
Редакция һайлауы
