+18 °С
Ясно
Новости
19 Сентября 2019, 09:41
Башҡортостан башлығы Үҫеш стратегияһын тәҡдим итте
Радий Хәбиров вазифаһына инеү менән Башҡортостан Республикаһының 2025 йылға тиклемге Үҫеш стратегияһын уҡып ишеттерҙе. Ул быны һайлау үткәс тә эшләргә һүҙ биргәйне.
“Владимир Путиндың илде үҫтереү өсөн май указдары булһа, беҙҙә – Башҡортостанда – сентябрь документы буласаҡ”, – тине Радий Хәбиров.
Үҫеш стратегияһы – бик уйланған һәм мөһим документ. Унда аныҡ итеп төбәгебеҙҙең артабанғы үҫешенең барлыҡ йүнәлештәре билдәләнгән. Был стратегия ҡоро һүҙ түгел, ә һандар һәм аныҡ йүнәлештәр менән һуғарылған. Барлыҡ мөһим темалар ҙа халыҡтың ихтыяжынан сығып билдәләнгән.
Әйткәндәй, алдан уҡ әйтелеүенсә, инаугурация бик тыйнаҡ, артыҡ тантанаһыҙ, эшлекле шарттарҙа үтте. Башҡортостан етәксеһе телмәре аҙағында:
– Барыһы ла башланып ҡына тора. Республикабыҙҙың яҡты киләсәге беҙҙең ҡулдарҙа. Бергә тырышып эшләйек, яҡшыраҡ булдырайыҡ. Алға, Башҡортостан! – тине.
Эйе, барыһы ла башланып тора. Уңыштар һеҙгә, Радий Фәрит улы.
Редакция һайлауы
