Эш сәфәре менән

Башҡортостан Республикаһы Башлығы вазифаһын ваҡытлыса башҡарыусы Радий Хәбировтың хәләл ефете Каринэ Владимировна эш сәфәре менән Максим Горький ауылындағы “Шәфҡәтлелек” ҡарттар йортонда булды. Уны БР Ғаилә, хеҙмәт һәм халыҡты социаль яҡлау министры вазифаһын ваҡытлыса башҡарыусы Юрий Мельников һәм Архангел район хакимиәте башлығы Александр Комзалов оҙатып йөрөнө. Учреждение директоры Лариса Кожевникова бинаның торошо, хеҙмәткәрҙәр, ололар өсөн ойошторолған саралар тураһында һөйләне, дауалау-физкультура, физкабинет, табип бүлмәһе, ашхана, китапхана, ваҡытлыса тотоу изоляторы, йыуыу-йыуыныу бүлеге менән таныштырҙы. Каринэ Хәбирова тәрбиәләнеүселәрҙе хеҙмәтләндереү төрҙәре менән ҡыҙыҡһынды, бүлмәләргә инеп ололар менән йәнле әңгәмә алып барҙы, хәл-тороштары хаҡында һорашты, киләсәктә лә ошондай уңайлы шарттарҙа йәшәүен теләне, хеҙмәткәрҙәр менән аралашты, ололарға һәм инвалидтарға бүләктәр тапшырҙы.