“02” хәбәр итә

2018 йылдың 16 июленән 22-һенә тиклем район полиция бүлегенә административ хоҡуҡ боҙоуҙар, хәл-ваҡиғалар һәм енәйәттәр хаҡында 137 ғариза (хәбәр) килде.

Ошо осорҙа 4 урлашыу осрағы, 1 үҙбелдеклелек, 4 юл-транспорт ваҡиғаһында зыян күреү, 4 тән йәрәхәте яһау, 7 дауаханаға илтеү, 1 үлтереү менән янау, 3 ваҡытһыҙ үлем (үҙ-үҙенә ҡул һалыу осрағы), 5 ғаилә низағы, 1 янғын, 2 ғәйепте таныу һәм башҡа төрлө факттар теркәлде. Шулай уҡ 33 административ хоҡуҡ боҙоуҙар, шул иҫәптән йәмәғәт урындарында эскән килеш йөрөү (1), рөхсәт ҡағыҙҙары булмайынса (алкоголгә) эшҡыуарлыҡ эшмәкәрлеге алып барыу (13), административ сикләүҙе боҙоу (1), законһыҙ рәүештә үҫентеләрҙе ҡырҡыу (1) асыҡланды.

Район территорияһында “Стационар булмаған сауҙа нөктәләрендә сим-карталар һатыуҙы тыйыу”, “Пассажирҙарҙы йөрөтөү эшмәкәрлеге алып барған шәхестәрҙе тикшереү”, “Мутлыҡты иҫкәртеүсе иҫкәрмәләрҙе таратыу буйынса”, “Экология – 2”, “Резина фатир”, “Үҫмер: йәй”, “Әрмегә барыусы” профилактик саралар үткәрелә.

Наталья Бушмелева, район эске эштәр бүлеге аналитигы.