Еңеүселәр асыҡланды

“Туған баҫмаңа яҙыл” марафоны сиктәрендә 2018 йылдың икенсе ярты йыллығына яҙылған уҡыусылар араһында “Инйәр” редакцияһы “Бәхетле авто” уйнатты.

Бәйгелә ҡатнашырға теләк белдереүселәр еңел машиналарҙа елдереп, билдәләнгән ваҡытҡа килеп етте. Квитанция күсермәләре һалынған йәшник әйләндереп- тулғандырылғас, бер-бер артлы бүләк хужалары асыҡланды. Азат Сәйфуллин, Вәлийән Дәүләнов (Архангел ауылы), Әлфиә Йортомбаева (Ҡыҙыл Еҙем), Әүхәт Мөхәмәтдинов (Максим Горький) (һүрәттә) транспорт өсөн тәғәйен приздар отоп һөйөндө.

Ваҡытында милли баҫмабыҙға яҙылып, төрлө конкурстар ҙан ситтә ҡалмаҫҡа тырышҡан райондаштарыбыҙға уңыш һәр саҡ йылмая. Хөрмәтле дуҫтар, әүҙемерәк булайыҡ!