Һайлауҙарҙа ҡатнашыу — оло бурыс

Оло быуын вәкилдәре һәр ваҡыттағыса һайлауҙарҙа әүҙемлек күрһәтә. Архангел ауылында йәшәүсе Н.Н. Антипинаға 81 йәш. Ошо ғүмерендә ул бер генә тапҡыр ҙа һайлауҙарҙан тороп ҡалғаны юҡ. Наталья Николаевна 30 йыл штукатур-маляр булып эшләй, райондағы төҙөлгән йорттарҙың барыһына ла тиерлек уның ҡулы тейгән. Артабан 16 йыл колхозда көс түгә. Әүҙем ҡатын 15 йыл “Сударушка” ансамле ағзаһы була.

— Йәш быуын ошондай мөһим ваҡиғанан ситтә ҡалмаҫҡа тейеш, илебеҙгә лайыҡлы етәксене һайлауҙа ҡатнашыу уларҙың оло бурысы, — ти хеҙмәт ветераны.