Хөрмәтле уҡыусылар!

“Инйәр” гәзите подписка кампанияһы сиктәрендә конкурстар ойоштороп тора. Шуларҙың иң көтөп алынғаны — “Аҙна һайын бүләк от!” Был уйындың киләһе аҙнала башланыуы тураһында хәбәр итеп, унда әүҙем ҡатнашырһығыҙ тип ышанабыҙ.

Уйын шарты бик ябай: 2018 йылдың тәүге ярты йыллығына (6 айға) “Инйәр”гә яҙылырға һәм квитанция күсермәһен редакцияға килтерергә йәки ебәрергә кәрәк. “Башҡортостан Республикаһы” нәшриәт йорто тарафынан үткәрелгән был конкурста ҡиммәтле приздар — көнкүреш кәрәк-яраҡтары ота алыу мөмкинлеген ҡулдан ысҡындырмағыҙ. Бәхет йылмайған райондаштарыбыҙ тураһында баҫма биттәрендә даими яҡтыртыла барасаҡ.

Ҡәҙерле уҡыусылар! “Инйәр”гә яҙылайыҡ, уйындарҙан ҡалмайыҡ, хеҙмәттәшлекте һәм үҙ-ара бәйләнеште 2018 йылда ла дауам итәйек!