Барыһы ла үҙебеҙҙән тора…

Осрашыуҙы район хакимиәте башлығы Айрат Сәйетғәлин асты. Архангел районының прокурор урынбаҫары Лилиә Әҙелгәрәева һан киңлектәге хоҡуҡи сикләүҙәр тураһында һөйләне һәм репостар менән хат алышыу кеүек ғәмәлдәрҙең ниндәй күңелһеҙ эҙемтәләргә килтереүен аңлатты.

Мәсьәләнең рухи-әхлаҡи яғын Михаило-Архангел сиркәүенең настоятеле, протоиерей Евгений Коробков яҡтыртты. Ул Тыуған илгә һөйөү, иман һәм үҙ-ара хөрмәттең әһәмиәте тураһында телмәр тотто.

Башҡортостан Республикаһы Йәштәр сәйәсәте министрлығының профилактика программалары бүлеге мөдире Дмитрий Кучумов йәштәргә үҫеш һәм үҙ-үҙен тормошҡа ашырыу өсөн булған мөмкинлектәр тураһында сығыш яһаны.

Форумдың практик өлөшө бер нисә тематик майҙансыҡты үҙ эсенә алды. 7-се класс уҡыусылары медиа һәм киберхәүефһеҙлек буйынса дәрестә ҡатнашты, унда алдаҡсыларҙың ҡорбаны булмаҫҡа һәм интернеттағы тоҙаҡтарға эләкмәҫкә өйрәнделәр. Педагогтар һәм белгестәр үҫмерҙәрҙең тәртибендә хәүеф билдәләрен таныу буйынса практикум үтте. Колледж студенттары «Йәйғор» үҫмерҙәр клубы һәм үҙәкләштерелгән район китапханаһы ойошторған «Хәүефһеҙ мөхит» квестында ҡатнашып, хәүефһеҙ тәртип тураһында белемдәрен уйын формаһында нығытты.

Хәүефһеҙ мөхит булдырыу — уртаҡ бурыс. Форум девизы әйткәнсә, барыһы ла, ысынлап та, үҙебеҙҙән тора!

Әлиә Әмирова.