Горныйҙар һәр саҡ әҙер!

Рәсәй Федерацияһы Дәүләт Думаһына депутаттар һайлауҙар 2026 йылдың 18–20 сентябрендә үтә. Бөгөн, 20 сентябрҙә — тауыш биреүҙең һуңғы көнө.

Горный ауылындағы 872-се һайлау участкаһында бөгөн дә иртә менән халыҡ күп.

- Йәкшәмбе ғәҙәттә ҡаланан ҡайтыусылар килә. Өс көнгә һуҙылған һайлау донъя мәшәҡәтенән бушамаған ауыл халҡына йәтеш. Шулай ҙа урындағыларҙың байтағы иртәгәгә ҡалдырмай, тәүге көндә дәррәү ҡатнашты. Студенттарыбыҙ ҙа кисә гражданлыҡ бурыстарын үтәне.

Горныйҙа ҡатнаш халыҡ йәшәй. Аллаға шөкөр, татыубыҙ, ил ҡушыуына әҙербеҙ. Бер-беребеҙҙең милли байрамдарын, йолаларын хөрмәт итәбеҙ, - тип һайлау барышы менән таныштырҙы һайлау комиссияһы ағзаһы Дилара Ғәлимйән ҡыҙы Асҡарова.

#ВыбираемВместе #ЕДГ2026 #БашкортостанВыбирай2026

Дилара Янбаева.

Д.Асҡарова фотолары.