Етди мәсьәләләр ҡаралды

Үткән аҙнала беҙҙең районға Башҡортостан Ветеринария буйынса дәүләт комитеты вәкилдәре эш сәфәре менән килде. Төркөм составында Хайуандар менән эш итеү өлкәһендә дәүләт күҙәтеүе бүлеге мөдире Илшат Әлтәф улы Фәттәхов, Өфө территориаль бүлегенең мөдир урынбаҫары Гүзәл Рәүит ҡыҙы Ғәләүетдинова, шулай уҡ комитеттың өлкән белгес-эксперты Екатерина Евгеньевна Чернова булды.

Профилактик сара барышында белгестәр бер нисә мөһим мәсьәлә буйынса консультация бирҙе. Улар үтәлеше Дәүләт контроле (күҙәтеү) сиктәрендә ғәмәлгә ашырылған, мәжбүри талаптарҙы үҙ эсенә алған норматив һәм регламентлаусы хоҡуҡи акттарҙың положениеларын аңлатты, вәкәләтле кешеләрҙең эшләүенә йәки эшләмәүенә ялыу тәртибе менән таныштырҙы, күҙәтеү объекттарын хәүеф категорияһына индереү өсөн кәрәкле мәғлүмәттәр йыйҙы.

Әлиә Әмирова.

Автор:Мухаметьянова А.

Читайте нас

Редакция һайлауы