Быуындар бәйләнешен һаҡлаусы сара

 Беҙҙең мәктәптә, май айының тәүге аҙнаһында  инновация майҙансығы планы сиктәрендә «Ҡарға бутҡаһы» йолаһы уҙғарылды. Байрамдың төп аҙығы  — бутҡа. Уны уңдырышлылыҡты кәүҙәләндергән бойҙай, арпа, тары кеүек ярмаларҙан бешерәләр.

   Бутҡа бешкән арала балалар башҡорт халыҡ уйындарында ҡатнашты: «Аҡ тирәк-күк тирәк», «Йәшерәм яулыҡ», “Сума үрҙәк, сума ҡаҙ” һәм башҡаларҙы. Артабан  барыһы ла өләсәй бешергән тәмлекәс менән һыйланды. Бутҡаның ҡалғанын түңгәктәргә, ағас төптәренә  һалып сыҡтылар.  Тәбиғәткә, ҡоштарға һәм ата-бабаларға мөрәжәғәт итеп, муллыҡ, именлек, иген уңышы күп булыуын теләп, ағастарға таҫма бәйләнеләр.       

     «Ҡарға бутҡаһы»  балалар өсөн күңелле байрам  ғына түгел, ә башҡорт халҡының ғөрөфтәрен, тәбиғәткә хөрмәтте һәм быуындар бәйләнешен һаҡлаусы мөһим сара.

Әлфинә Ҡунаҡбаева,

Абҙан мәктәбенең тәрбиә эше буйынса директор урынбаҫары.

Автор тарафынан ебәрелгән фото.