Тәҡдимдәре менән уртаҡлашты

Район хакимиәтендә Росреестрҙың Башҡортостан Республикаһы буйынса идаралығының урындағы үҙидара органдары менән үҙ-ара эш итеү мәсьәләләренә арналған кәңәшмә үтте.

Росреестрҙың БР буйынса идаралығы етәксеһе урынбаҫары Наталья Низаметдинова үҙ тәҡдимдәре менән уртаҡлашты. Ул ер мәсьәләләрен һөҙөмтәле хәл итеү һәм күрһәтелгән хеҙмәттәрҙең сифатын яҡшыртыу өсөн урындағы үҙидара органдары менән берлектә эшләүҙең төп бурыстарын һыҙыҡ өҫтөнә алды.

Наталья Александровна  билдәләүенсә, бындай йәнле осрашыуҙар бик файҙалы, сөнки улар тура диалог булдырыуға, тәжрибә уртаҡлашыуға һәм килеп тыуған мәсьәләләрҙе оператив хәл итеүгә булышлыҡ итә.

Дилара Фәтихова.

Фото — район хакимиәте сайтынан.