Бөтә яңылыҡтар
Төрлөһөнән...
3 Март , 11:13

Имтихандарҙы бергәләп тапшырабыҙ

Район буйынса 11-се класс уҡыусыларының ата-әсәләре 1-се Архангел мәктәбендә  “Бергәләп тапшырабыҙ. Ата-әсәләр менән Берҙәм дәүләт имтиханын тапшырабыҙ” Бөтә Рәсәй акцияһында ҡатнашты

Имтихандарҙы бергәләп тапшырабыҙ
Имтихандарҙы бергәләп тапшырабыҙ

Район буйынса 11-се класс уҡыусыларының ата-әсәләре 1-се Архангел мәктәбендә  “Бергәләп тапшырабыҙ. Ата-әсәләр менән Берҙәм дәүләт имтиханын тапшырабыҙ” Бөтә Рәсәй акцияһында ҡатнашты.

Сара сиктәрендә ата-әсәләр Берҙәм дәүләт имтиханы процедураһын башынан аҙағына тиклем үтте: теркәлде, шәхси әйберҙәрен һәм телефондарын тапшырҙы, инструктаж тыңланы, бланктар тултырҙы. Артабан  база математикаһы буйынса имтихан эшенең ҡыҫҡартылған вариантын яҙҙы.

Тикшереү эштәре тамамланғас, райондың мәғариф бүлеге начальнигы Л.Т. Сәйғафарова БДИ-ны үткәреү тәртибе буйынса ата-әсәләрҙең һорауҙарына аңлатмалар һәм яуаптар бирҙе. Благовещенка ауылы мәктәбенең педагог-психологы Л.И.Абрахманова яуаплы осорҙа ата-әсәләрҙең борсолоуын кәметеү маҡсатында тренинг үткәрҙе.

Юлия Колесникова,

район мәғариф бүлегенең баш инспекторы.

Автор фотоһы.

Автор:Дилара Бадретдинова
Читайте нас: