Балл өҫтәргә тәҡдим иттеләр

Рәсәйҙең Фән һәм юғары белем министрлығы университеттарға армияла хеҙмәт иткән һәм махсус операцияла ҡатнашҡан абитуриенттарға 10-ға тиклем өҫтәмә балл яҙырға тәҡдим итте. Ведомствоның юғары белемдең федераль дәүләт белем биреү стандарттары порталында баҫылған хатында ошо хаҡта әйтелә.

«Башинформ» хәбәр иткәнсә, депутаттар «Мәғариф тураһында»ғы законға төҙәтмәләрҙе раҫланы. Махсус хәрби операцияла ҡатнашыусылар ҡабул итеү һынауҙары һөҙөмтәләре буйынса айырым квота сиктәрендә вуздарға бюджет урындарына уҡырға инергә мөмкин. Түләүле нигеҙҙә уҡып йөрөгәндәр өҫтөнлөклө тәртиптә бушлай уҡыуға күсә ала.

Д.Янбаева әҙерләне.

Фото — асыҡ сығанаҡтарҙан.