Усманға — уңыштар!

“Сулпылар” йыр-моң бәйгеһе бына инде нисә йылдар йәш йырсыларға ҙур эстрадаға юл аса.

Сираттағы конкурста яҡташыбыҙ, 2-се Архангел мәктәбе уҡыусыһы Фазылов Усман да ҡатнашып ҡайтты. Был юлы өс йөҙҙән ашыу кескәй йырсылар араһында Усман һайлап алыу турын уңышлы үтте.

Мәктәптә уҡыу алдынғыһы, кластан тыш эштәрҙә әүҙем ҡатнашҡан уҡыусы район мәҙәниәт йортонда эшмәкәрлек иткән тынлы музыка ҡоралдары түңәрәгенә лә йөрөй, ҡурайҙа уйнау серҙәрен өйрәнә. Ата-әсәһенең дә алыштырғыһыҙ ярҙамсыһы Усман.

Һәр яҡлап та өлгөр һәм үрнәк булған райондашыбыҙға “Сулпылар” йыр-моң бәйгеһенең икенсе турында ла уңыштар теләйбеҙ!

Сәриә Мағазова,

район мәҙәниәт йортоноң художество етәксеһе.

Читайте нас

Редакция һайлауы