Умырзая — яҙ сәскәһе

Уның тарихы 1984 йылда Англияла башлана. Умырзая йәки галантус — амариллис ғаиләһенән күп йыллыҡ үләндәр төрө. Уға 19 төр һәм тәбиғи сығышлы ике гибрид ҡарай. Элекке СССР биләмәһендә 12 төрө үҫә. Үҫемлектәргә юҡҡа сығыу хәүефе янай. Рәсәй Федерацияһының Ҡыҙыл китабында киң япраҡлы, тар япраҡлы, кавказ, Лагодех, Борткевич һәм Воронов умырзаялары бар.

Беҙҙең төбәктә күк, аҡ, зәңгәр умырзаялар күберәк осрай. Умырзая көнө кешеләрҙе был сәскәләрҙе йыймаҫҡа һәм һатып алмаҫҡа инандырыу өсөн ойошторолған. Рәсәй Федерацияһы Административ хоҡуҡ боҙоуҙар тураһындағы кодексының 8.35 статьяһы менән һирәк осрай торған хайуандарға йәки үҫемлектәргә зыян килтергән өсөн граждандар өсөн — 2,5-5 мең һум, вазифалы кешеләр өсөн — 15-20 мең һәм юридик шәхестәр өсөн 500 мең һумдан 1 миллионғаса яуаплылыҡ билдәләнгән. Үҫемлектәрҙе һәм уларҙың өлөштәрен йыйыу, һатып алыу, һатыу, өҙөү, һаҡлау, ташыу, ҡарау һәм ебәреү буйынса эштәр закон тарафынан юҡ итеүгә тиңләштерелгән.

Дилара Бәҙретдинова әҙерләне.

Фото — асыҡ сығанаҡтарҙан.