Аҡҡоштар ҡайтты!

Архангел быуаһына, ниһайәт, аҡҡоштар ҡайтты.

Билдәле булыуынса, Үрге һәм Түбәнге быуалар йылы яҡтан ҡайтҡан ҡыр өйрәктәре, ҡаҙҙар, аҡҡоштарҙың яратҡан төйәге.

Быйыл да улар быуа ҡарҙан әрселә башлауға тирә-яғыбыҙға йәм өҫтәп килеп тә етте. Һыу ятҡылығының байтаҡ өлөшөндә боҙ ятһа ла, матурҡайҙар өйрәнгән биләмәләре буйлап йөрөп, оя ҡорор өсөн урын ҡарайҙар. Аҙыҡ табыуы ла уларға ауыр түгел, сөнки яр буйында һыу асылған.

Аҡҡоштар сылбыры шулай уҡ Максим Горький ауылы өҫтөнән дә үтте. Бындағы Торош күлендә лә йыл һайын һылыу ҡоштар оя ҡороп, бала сығара һәм һалҡындар төшкәнсе йәшәй.

Изге ҡоштар төйәк иткән урын иң гүзәл, хозур ер тип һанала. Шуға күрә уларҙы ҡурҡытмайыҡ, борсомайыҡ. Ә тыуған еребеҙ уларҙы һәр саҡ ылыҡтырып торһон.

Дилара Бәҙретдинова.

Читайте нас

Редакция һайлауы