Инйәр
-10 °С
Болотло
75 лет Победы
Бөтә яңылыҡтар
Төрлөһөнән...
19 Февраль 2021, 13:25

Юрист ярҙамы

“Айыҡ ауыл” конкурсы сиктәрендә “Ғаилә” үҙәгендә юристар Ассоциацияһының Башҡортостан бүлеге юрисы Вячеслав Жаворонков ауыр тормош хәлендә ҡалыусыларға бушлай консультациялар үткәрҙе.

Вячеслав Владимирович етемдәргә торлаҡ алыу өсөн ниндәй документтар юллау, күп балалы ғаиләләргә бушлай ер биләмәһе бирелмәгән осраҡта ҡайҙа мөрәжәғәт итеү, әхлаҡи зыян күргәндә компенсацияны нисек юллау, шәхси эшҡыуарлыҡты рәсмиләштереүҙе нимәнән башлау, судһыҙ атайлыҡты нисек билдәләү кеүек башҡа күп һорауҙарға ентекле яуап бирҙе.
“Ғаилә” үҙәге белгескә хеҙмәттәшлеге өсөн рәхмәт әйтте һәм киләсәктә лә ауыр тормош хәлендә ҡалғандарға ошондай сараларҙың ойоштороласағын белдерҙе.
Елена Швейкина,
“Ғаилә” район-ара үҙәгенең райондағы бүлеге начальнигы вазифаһын башҡарыусы.
Фото — асыҡ сығанаҡтарҙан.
Читайте нас в