Инйәр
-5 °С
Болотло
75 лет Победы
Бөтә яңылыҡтар
Төрлөһөнән...
19 Февраль 2021, 14:34

Петуния сәсер мәл

13, 14, 17, 19, 20, 21, 23, 24, 25, 26 февраль - петуния сәсеү өсөн уңайлы көндәр.

Һуңғы ваҡыттарҙа күптәр петуния ултыртыуҙы хуп күрә. Ул көҙҙөң һуңғы көндәренә тиклем шау сәскәлә булып, ҡала урамдарын, ауыл ихаталарын йәмләй.
Петуния майҙа сәскә ата башлаһын өсөн уны февраль башында сәсәләр. Үҫентегә 12-14 сәғәт яҡтылыҡ кәрәк, өҫтәмә яҡтыртмайса үҫтереп булмай.
Петунияның орлоғо ваҡ, уны тупраҡ өҫтөнә генә һибәләр, һыуҙы — пульверизаторҙан. Ҡар менән ултыртыу яҡшы һөҙөмтә бирә. Уны сүлмәктәге тупраҡ өҫтөнә 1-1,5 сантиметр ҡалынлыҡта һалырға һәм орлоҡтарҙы һибергә. Ҡарҙа ваҡ орлоҡтар яҡшы күренә, тигеҙ сәселә. Пакет йәки быяла менән ҡаплап, шулай уҡ йылы урынға ҡуйырға кәрәк. Ҡар иреп, орлоҡтарҙы тәбиғи рәүештә күмә. Тигеҙ шытып сыҡһын өсөн +23-26 градус йылылыҡ кәрәк.
Петуния, ғәҙәттә, 1-1,5 аҙнанан шытып сыға. Бынан һуң температураны +20 градусҡа тиклем кәметергә кәрәк.
Дилара Бәҙретдинова.
Фото — асыҡ сығанаҡтарҙан.
Читайте нас в