Электән дуҫ булдыҡ

42 йыл хеҙмәт стажы булған ил ағаһы бөгөн хаҡлы ялды оҫта файҙаланып, әүҙем тормош алып бара.

— Тормош иптәшем менән баҫманың һәр һанын көтөп торабыҙ һәм яратып уҡыйбыҙ. Хат ташыусылар ҙа гәзит-журналдарҙы ваҡытында килтерергә тырыша. Район гәзитен уҡымайынса булмай! Урындағы ғына түгел республикабыҙҙағы яңылыҡтарҙы ла унан уҡып беләбеҙ. Дауамлы хикәйәләр, файҙалы кәңәштәр, спорт, юбилярҙар рубрикалары, махсус биттәр айырыуса оҡшай.

Бөгөн ҡайһы бер кешеләр гәзиттең хаҡына һылтанып, яҙылмай ҡала, йәштәр интернеттан уҡыйбыҙ,тиҙәр. Бер мең һум хәҙер күп аҡса ла түгел бит. Башҡорт рухлылар, гәзитебеҙҙең тарихын белгәндәр, уны хөрмәт иткәндәр барыбер уны алдырасаҡ.

“Инйәр” менән электән дуҫ булдыҡ, дуҫлығыбыҙға тоғро ҡаласаҡбыҙ, — тигән уй-фекерҙәрен еткерҙе Сәйфетдин ағай.

Дилара Бәҙретдинова яҙып алды.

Автор фотоһы.