Беренсе класҡа яңы ҡағиҙәләр буйынса

Быйыл был эште 1 апрелдән башҡарып ҡуйырға кәрәк.

Ошо көндән алып 30 июнгә тиклем мәктәптәр үҙҙәренә ҡараған биләмәлә йәшәүселәр һәм өҫтөнлөктәргә эйә булыусыларҙан ғаризалар ҡабул итәсәк.

Әйткәндәй, баланың өлкән туғаны әлеге мәктәптә белем алыуы уға өҫтөнлөк бирә. Ғаризалар тапшырыу тамамланғас, өс көн эсендә мәктәп директоры буласаҡ беренсе класс уҡыусылырының исемлеге менән ҡарар сығарырға тейеш.

Әгәр ҙә бала мәктәпкә беркетелмәгән урында йәшәй икән, уның ата-әсәһе ғаризаны ни бары 6 июлдән алып 5 сентябргә тиклем яҙа ала. Сөнки бындай уҡыусыларҙы мәктәптә буш урындар бөткәнсе ҡабул итәләр.

Ғаризаларҙы мәктәпкә килеп, почта, электрон почта һәм "Госуслуги" сайты аша тапшырырға була.

Дилара Бәҙретдинова әҙерләне.

Читайте нас

Редакция һайлауы