Телһеҙ булып барабыҙ

“Тел, тел”,— тиеп заң ҡағабыҙ —

Телһеҙ булып барабыҙ:

Тәпәй баҫҡан сабый ауазынан

Заңҡый йөрәк ярабыҙ.

“Мама”, — тиеп асыла теле,

“Кушать дай”, — тип һорай икмәк.

Беҙҙең бит башҡорт ауылы,

Аптырау, нишләмәк кәрәк?

Тәүге тәрбиә ғаиләнән, тип,

Бойорам мин әсәгә,

Ҡыҙың бит башҡортса белмәй

Төштө бит беренсегә.

Эй, хитлана уҡытыусы —

Башҡортсаға өйрәтә.

Теле әйләнмәй меҫкендең,

Дәрес буйы йөҙәтә.

Үҙ ереңдә сит кеүек

Ҡалырбыҙмы тарихта,

Ҡомартҡы булып ҡалырмы тел

Бөгөнгө башҡорт халҡында?

Роза Ғәббәсова,

Тәүәкәс ауылы.

Читайте нас:

Адресы: 453030, Архангельский район, с. Архангельское, ул. Советская, 18

Телефондар:

Баш мөхәррир: 83477421457

Реклама хеҙмәте: 8-347-74 (2-18-66)

Редакция: 8-34774 (2-12-87)

Кадрҙар бүлеге: 8-34774 (2-18-44)

Электрон почта: [email protected]