Янғындар ни сәбәпле сыға

Район буйынса 2019 йылда 62 янғын сығыу осрағы булһа, 2020 йылда — 50. Бәхеткә ҡаршы, һәләк булыусылар юҡ, йәрәхәт алыусы берәү.

— “Ҡыҙыл әтәс”тең ҡотороуы Абҙан ауыл биләмәһендә (+3), Архангелдә (+4), Краснокуртовкала (+2), Оҙондарҙа (+1) күҙәтелде. Мейес һәм торбаларҙы сығарғанда, уларҙы ҡулланғанда янғын хәүефһеҙлеге ҡағиҙәләрен үтәмәү — 10 осраҡ, үртәү — 2, электр йылытыу ҡоролмаларын ҡулланғанда янғын хәүефһеҙлеге ҡағиҙәләрен боҙоу сәбәпле — 9, ут менән һаҡ тотонмау — 7, транспорт сараларының механизмы һәм бәйләнеш системаларының төҙөк булмауы — 1, үлән, сүп-сар яныуы арҡаһында 15 һәм сәбәптәре билдәләнмәгән алты осраҡ теркәлде. Янғындың күпселек өлөшө Архангел ауыл биләмәһенә һәм Абҙанға тура килде, — тип һөйләп үтте граждандар оборонаһы һәм ғәҙәттән тыш хәлдәр буйынса берҙәм дежур-диспетчер хеҙмәте белгесе Александр Антипин.

Дилара Бәҙретдинова.