Район гәзиттәрен бүләк итте

Әсәләр көнө алдынан район хакимиәте башлығы Илшат Әминев районыбыҙҙың күп бала тәрбиәләгән бер нисә ғаиләләрендә булды.

Илшат Нәжмитдин улы буш ҡул менән килмәне — уларҙы “Башҡортостан Республикаһы”, “Инйәр” һәм “Архангел хәбәрҙәре” гәзиттәренә яҙҙырҙы, ә балаларға тәмле күстәнәстәр тапшырҙы.

— Республика һәм район баҫмаларына яҙылыу — донъя, ил, республика, район яңылыҡтары, башҡаларға өлгө булырҙай кешеләр, уларҙың яҙмыштары, ҡаҙаныштары тураһында мәғлүмәттәр, файҙалы кәңәштәр алыу, милләт рухын үҫтереү ул. Был күп бала тәрбиәләгән ғаиләләргә был бик урынлы бүләк тип уйлайым, — тине район хакимиәте башлығы.

Ысынлап та, бөгөн урындағы баҫмаларға яҙылырға ярҙам итеп, уҡыусыларыбыҙҙың һанын арттырыу, гәзиттәребеҙҙе күтәреү бик яҡшы һәм өлгөлө күренеш.

Илшат Әминев шулай уҡ социаль селтәрҙә үҙенең аккаунты аша балалар тәрбиәләүҙә лә, йәмәғәт эштәрендә лә әүҙем, тырыш булған барлыҡ әсәләрҙе, ҡатын-ҡыҙҙарҙы байрам менән ҡотланы һәм ғаилә именлеге, һаулыҡ, балаларының уңышлы булыуҙарын теләне.

Дилара Бәҙретдинова.

Ирина Куркова фотоһы.

Читайте нас:

Адресы: 453030, Архангельский район, с. Архангельское, ул. Советская, 18

Телефондар:

Баш мөхәррир: 83477421457

Реклама хеҙмәте: 8-347-74 (2-18-66)

Редакция: 8-34774 (2-12-87)

Кадрҙар бүлеге: 8-34774 (2-18-44)

Электрон почта: [email protected]