Беҙ финалда!

Russian Event Awards 2020 — Рәсәйҙә ваҡиғалы туризм өлкәһендәге юғары рейтинглы премия һанала.

Фестивалдең мөһим йүнәлеше — халыҡ традицияларын һәм кәсептәрен һаҡлау. Архангел районы хакимиәтенең, ойоштороусыларҙың, фестивалдә ҡатнашыусыларҙың һәм башҡаларҙың берҙәм тырышлығы арҡаһында 26 сентябрь Ҡыҙыл Ырғыҙлы ауылында ойошторолған мәртәбәле сара юғары кимәлдә уҙғарылды. Унда районда йәшәгән төрлө милләт вәкилдәренең тематик оҫталыҡ дәрестәре, ижади һәләттәре күрһәтелде. Ҡатын-ҡыҙҙарыбыҙ ҡулдан яһалған әйберҙәре, фермерҙар үҙ продукциялары менән таныштырҙы. Бәләкәй ватаныбыҙҙың гүзәллеген, күп милләтле халҡыбыҙҙың дуҫлығын, уларҙың үҙенсәлекле милли кәсептәрен, йолаларын, киләсәктәге мөмкинлектәрен лайыҡлы тәҡдим итеп еңеүселәр рәтенә инеүебеҙгә бик шатбыҙ.

Премияның финалы 8-10 декабрҙә Екатеринбург ҡалаһында үтәсәк.

Ильяс Сафин,

район мәҙәниәт бүлеге начальнигы.