Старт, иғтибар, марш!

Республика көнө уңайынан Архангел ауылында еңел атлетика буйынса ярыш үтте. Унда ауыл биләмәләре, предприятие, ойошмаларҙан командалар ҡатнашты. Спортсыларҙы район хакимиәте башлығы Илшат Әминев тәбрикләп, барыһына ла байрам кәйефе, уңышлы сығыш һәм иң шәп йыйылма команданың еңеүен теләне. Райондың йәштәр эше, физик культура һәм спорт комитеты рәйесе Алевтин Тиунова ярыш шарттары менән таныштырҙы.

Һәр спортсы үҙ командаһын алдынғы урынға сығарыу өсөн бар көсөн һәм тырышлығын һалды, шулай ҙа еңеүсе исеменә тик бер команда ғына дәғүә итә алды. Дөйөм һөҙөмтәләр буйынса Абҙан ауыл биләмәһе – беренсе, район хакимиәте, ер һәм мөлкәт менән идара итеү комитеты, мәғлүмәт-консультация үҙәге – икенсе һәм “Ғаилә” социаль ярҙам күрһәтеү район-ара үҙәгенең Архангел филиалы, “Луч надежды” ойошмаһы йыйылма командаһы өсөнсө урын яуланы

Еңеүселәргә кубоктар, Почет грамоталары тапшырылды.

Альберт Рәхимов.