Иң яҡшы инженер-инспектор — 2020

Үткән аҙна Ауырғазы күп профилле колледж нигеҙендә үҙ йөрөшлө машиналарҙың һәм башҡа төр техниканың техник торошон күҙәтеү буйынса дәүләт инспекторҙары араһында “Башҡортостан Республикаһының иң яҡшы дәүләт инженер-инспекторы — 2020” тип аталған республика конкурсының икенсе этабы уҙҙы. Был бәйге дәүләт техник күҙәтеү инспекцияһының инженер-инспекторҙарының һөнәри оҫталығын, тәжрибәһен теоретик белемдәрен үҫтереү маҡсатынан ойошторола. Уны БР үҙйөрөшлө машиналарҙың, башҡа төр техниканың техник торошон күҙәтеү буйынса дәүләт инспекцияһы үткәрә. Сарала һәр ҡатнашыусының теоретик белеме асыҡланды һәм ул ысынбарлыҡта күрһәтелде. Йыйған балдар йомғаҡтары буйынса баһалама комиссияһы конкурс еңеүселәрен билдәләне.

Тулыраҡ мәғлүмәт — гәзитебеҙҙең киләһе һанында.

Дилара Бәҙретдинова.