“Аҡыллы” электр иҫәпләгестәре ҡуйыла

Башҡортостанда 7 меңдән ашыу ошондай ҡорамал ҡуйылған. Ул электр энергияһының сифатын һәм ҡеүәтен баһалап бара.

Күрһәткестәрҙе онлайн күҙәтеп барырға мөмкин. Һуңғы 9 йылда республикала 300 меңдән ашыу “аҡыллы” электр иҫәпләгес урынлаштырылған.

Бөгөн шәхси һәм күп фатирлы йорттарҙа “аҡыллы” иҫәпләгестәр урынлаштырыу тураһындағы закон ғәмәлгә инә.

Уларҙы һатып алырға кәрәкмәй, мөҙҙәте сыҡҡан иҫәпләгесте электр ут тәьминәте компанияһы үҙе алмаштыра. Бындай иҫәпләгестәрҙә алдап күрһәткестәрҙе кәметеп булмай.

Аҡыллы иҫәпләгестәргә күсеү өс йыл эсендә башҡарылыр тип көтөлә.

Дилара Бәҙретдинова әҙерләне.

Читайте нас

Редакция һайлауы