Инйәр
-13 °С
Болотло
75 лет Победы
Бөтә яңылыҡтар
Төрлөһөнән...
3 Сентябрь 2020, 13:01

“Экохәстәрлек” проекты башланасаҡ

1 сентябрҙән Бөтөн Рәсәй халыҡ фронты “Экохәстәрлек” проектын башлай.

Уға Рәсәйҙең 14 төбәгенән өс меңдән ашыу мәктәп ҡушылыу теләген белдергән дә инде: Киров өлкәһенән - 55, Ҡурғандан - 56, Һарытауҙан - 35, Удмуртиянан - 50, Түбәнге Новгородтан - 110. Башҡортостандан иһә 180 мәктәп ҡатнашасаҡ.
1 сентябрҙә уҡыусылар төрлө оҫталыҡ, экологик дәрестәрҙә ҡатнашасаҡ. Улар тотонолған батарейкалар тапшыра ала. Бының өсөн мәктәптәргә махсус урналар ултыртыласаҡ. Учи.ру онлайн-платформаһында эксперттар тарафынан әҙерләнгән “Экология — ул беҙҙе уратҡан мөхит” тип аталған дәресте күрһәтеү планлаштырыла.
Сара Федераль экология операторы башланғысы менән үткәрелә. “Экология” милли проектына ярашлы, мәктәптәрҙә I һәм II класс уҡыусылары өсөн ҡаты көнкүреш ҡалдыҡтары менән эш итеү, тәбиғәткә һаҡсыл ҡараш тәрбиәләүгә нигеҙләнгән дәрестәр уҙғарыу ҙа ҡаралған.
Проект барышында йыйылған батарейкаларҙы махсус компаниялар аласаҡ. Мәктәп 12 һауытты тултырғас, махсус компанияға хәбәр итә, улары батарейкаларҙы алып китәсәк.
“Экохәстәрлек” 2021 йылдың майына ҡәҙәр барасаҡ.
Читайте нас в