Белем усаҡтарының хәүефһеҙлеген хәстәрләп

Районда ғәҙәттән тыш хәлдәрҙе иҫкәртеү һәм янғын хәүефһеҙлеген тәьмин итеү буйынса кәңәшмә үтте.

Уны район хакимиәте башлығы Илшат Әминев алып барҙы.

Белем һәм тәрбиә биреү учреждениеларының янғын-техник хәленең торошо һәм терроризмдан һаҡланыу сараларын көсәйтеү һәр йыл төп мәсьәлә булып ҡала. Был хаҡта Ауырғазы район-ара янғын күҙәтеү бүлегенең өлкән инспекторы Е.В.Рыжиков бәйән итте.

Сара һуңында район мәғариф бүлегенә белем һәм тәрбиә биреү учреждениеларын яңы уҡыу йылына ҡабул иткән ваҡытта тикшереү мәлендә табылған етешһеҙлектәрҙе юҡ итергә кәңәш ителде. Төп иғтибар янғынды иҫкәртеү ҡоролмаларының төҙөклөгө темаһына йүнәлтелде.

7 сентябргә тиклем мәктәп уҡыусылары һәм персоналдары менән янғын сыҡҡанда йәки шартлатҡыс предметтар табылғанда үҙ-үҙеңде нисек тотоу буйынса күнекмәләр уҙғарыласаҡ. Шулай уҡ белем көнө алдынан мәктәптәрҙә һәм балалар баҡсаларында етәкселәр һәм хеҙмәткәрҙәр менән хәүефһеҙлек инструктажы үткәреләсәк.

Дилара Бәҙретдинова.

Читайте нас:

Адресы: 453030, Архангельский район, с. Архангельское, ул. Советская, 18

Телефондар:

Баш мөхәррир: 83477421457

Реклама хеҙмәте: 8-347-74 (2-18-66)

Редакция: 8-34774 (2-12-87)

Кадрҙар бүлеге: 8-34774 (2-18-44)

Электрон почта: [email protected]