Юғалтыуһыҙ урып алырға

Игенсенең хеҙмәте тәбиғәт шарттарына ныҡ бәйле.

Ауыл хужалығы эшсәндәре аяҙ көндәрҙе файҙаланып, тынғыһыҙ, ҡыҙыу ураҡ эштәрендә ҡайнай. Район аграрийҙары ошо арала ужым культураларын урып-йыйыуҙы тамамланы. Был турала район мәғлүмәт-консультация үҙәгенең агроном-консультанты Илшат Шәрәфетдинов һөйләп ишеттерҙе:

— Әлеге көнгә 300 гектар ужым бойҙайы, 700-ҙән артыҡ ужым арышы урылған. Бураҙналарға 2000 тоннанан артыҡ бөртөклөләр һалынған. Яҙғы арпа баҫыуҙарында ла уңыш йыйыу башланды.

Халыҡты төп ризыҡ — икмәк менән тәьмин итеүсе игенселәр өсөн әле яуаплы осор. Уларға үҫтерелгәнде ваҡытында йыйып, уңышты мөмкин тиклем юғалтыуһыҙ урып алыуҙарын теләйбеҙ.

Дилара Бәҙретдинова.

Читайте нас

Редакция һайлауы