Ҡыйыҡ яңыртылды

Ауырғазы күп профилле колледжының Архангел филиалының дөйөм ятағында ҡыйыҡ профнастил менән алмаштырылды. Был эште башҡарып сығыуҙа Ауырғазы күп профилле колледжы директоры Миңнулла Хоҙайбирҙин һәм колледждың административ хужалыҡ эшмәкәрлеге буйынса урынбаҫары Әҙилә Хисмәтуллина күп көс һалды. Улар БР Мәғариф министрлығы менән килешкәндән һуң, тендерҙа ҡатнашҡан подрядсылар араһынан Өфө эшҡыуары Илгиз Бураншинды һайланы. И.Й.Бураншин етәкселегендә өс кешенән генә торған бригада төҙөкләндереү сараларын бер аҙна эсендә тамамланы.

Бина эсендә башҡа йүнәтеү-төҙөкләндереү саралары ла уҙғарыла. Яңы уҡыу йылында студенттарҙы яҡшы йәшәү шарттары булдырылған ятаҡ көтә.

Филүс Бадранов,

Ауырғазы күп профилле колледжының Архангел филиалы мөдире.