Тыныслыҡ торналары

Илһөйәрлек тойғоһо тәрбиәләгән онлайн саралар ҙа бик әүҙем үтеп тора. Һуңғы арала “Билдәһеҙ һалдатҡа хат” тип аталған бәйгелә Яңы Шишмә ауылынан Благовещенка мәктәбенең 5-се класс уҡыусыһы Сәлихова Алина ошо темаға ижади эше менән сығыш яһаны. Ул хатында Бөйөк Еңеүҙе яҡынайтҡан батырҙарҙың ғүмерҙәрен аямай, фашистарға яуыз ниәттәрен тормошҡа ашырыуға юл ҡуймауҙары, совет һалдаттарының ҡаһарманлыҡтары һөҙөмтәһендә тыныс тормошта йәшәүебеҙ, киләсәккә пландар ҡороуыбыҙ тураһында яҙҙы һәм уларға оло рәхмәтен еткерҙе. Уңған ҡыҙ шулай уҡ “Тыныслыҡ торналары”нда ла үҙ ҡулдары менән эшләгән ҡағыҙ ҡоштарҙы ағасҡа элеп, фоторәсемдәрен интернет селтәренә һалды.

Гөлфинә Блинова,

Благовещенка ауылы.