Зыяратта өмә

Мосолман зыяратында өмә яһап, уны таҙартыу йолаға әйләнеп бара.

Арх-Латыш ауыл биләмәһендә йыл һайын яҙ көнө урындағы мосолман зыяратында өмә яһап, уны таҙартыу йолаға әйләнеп бара. Быйыл Заря, Горный, Максим Горький ауылы халҡы был изге эшкә икенсе тапҡыр йыйылды. Тәүге тапҡыр зыярат сүп-сарҙан, ҡороған ағастарҙан, сыбыҡтан таҙартылһа, был юлы уның рәшәткәләре, йорто буялды.

Ауыл халҡы үҙ теләктәре менән бик әүҙем ҡатнашты. Был эштә йәштәрҙең күп булыуы айырыуса һөйөндөрә.

Өмәгә килеүселәрҙең барыһына ла рәхмәт. Һәр ваҡыт берҙәм булайыҡ, мәрхүм ата-әсәләребеҙҙең, туғандарыбыҙҙың, ауылдаштарыбыҙҙың мәңгелек йортон тәртиптә тотайыҡ.

Гөлгөнә Хисмәтуллина,

“Ағинәйҙәр” ҡоро рәйесе.

Максим Горький ауылы.

Читайте нас

Редакция һайлауы