Тейешле хеҙмәт күрһәтәбеҙ

Йәмғиәттең ниндәй булыуы ололарға ҡарата мөнәсәбәттән күренә. Оло кешенең бәхете дәүләт яҡлауынан, балалары иғтибарынан, ихтирамынан ғибәрәт.

Уяулыҡ талап иткән коронавирус пандемияһы ваҡытында ауыр тормош хәленә ҡалған оло кешеләргә, инвалидтарға, күп балалы һәм аҙ тәьмин ителгән ғаиләләргә ярҙам итеү маҡсатында һәр ҡайҙағыса, беҙҙең Благовещенка ауыл биләмәһендә лә ирекмәндәр төркөмдәре әүҙем эшмәкәрлек алып бара. Оло йәштәгеләргә, мохтаждарға аҙыҡ-түлек, көндәлек кәрәк-яраҡтары, дарыуҙар килтереү буйынса һәр ауылда яуаплы кешеләр беркетелде. Яңы Шәрәй ауылында мәҫәлән, 5 әбей һәм бер бабайға барып торам. Коронавирус инфекцияһы өлкән йәштәгеләр өсөн айырыуса ҡурҡыныс. Шуға ла үҙҙәрен сикләгән пенсионерҙарға ярҙамға ашығабыҙ. Заявка буйынса барплыҡ әйберҙәрҙе йорттарына алып киләбеҙ. Уларҙың һәр үтенесен иғтибар менән тыңлап, теүәл үтәп, тейешле хеҙмәт күрһәтәбеҙ.

Гөлфинә Блинова,

Благовещенка ауылы.