Һөйөнөп ҡалдым

“Урам буйында ятҡан утынды күреп килделәр микән”, — тип тә уйлап алдым. Сөнки бер машина утын алғайным, ҡар күп булыу сәбәпле, урамға индерергә мөмкинселек юҡтан, урам буйына бушаттылар. Уңайһыҙ булһа ла, ярай һуң, тип ризалаштым. Балалар, күмәкләгән яу ҡайтарған тигәндәй, тиҙ арала бер машина утынды утынлыҡҡҡа ташып та бөттө. Максим Горький мәктәбе уҡытыусыһы Эльвира Йәнешева етәкселегендәге тимурсылар командаһы ағзалары Йәнешева Аделина, Йәнешев Батырхан, Нәркәс, Наҙгөл, Айгөл Ниғмәтуллиндар һәм Ауырғазы күп профилле колледжы филиалы студенттары Рөстәм һәм Дим Ниғмәтуллиндарҙың ошондай ҙур ярҙамы мине бик һөйөндөрҙө. Уларҙың артабан да шулай изгелекле, ихтирамлы, ярҙамсыл кеше булып үҫеүҙәрен теләйем.

Әлмира Юламанова,

педагогик хеҙмәт ветераны.

Убалар ауылы.