Бер ҡыйынлыҡ кисермәнек

Быйыл Тәүәкәс ауылының ҡарттарын урындағы фельдшер автобусҡа ултыртып оҙатып ҡалды. Артабан уларҙы дауаханаға тиклем, ундағы кабинеттарҙы, анализдар тапшырыу бүлмәләрен үтеүҙә социаль хеҙмәткәр Гөлдәр Абдуллина оҙатып йөрөнө. Тикшерелеү үтергә килгәндәр барыһы ла бер ҡаршылыҡ, бер ҡыйынлыҡ кисермәне. Кабинеттан-кабинатҡа йөрөү талап ителмәне. Бөтә белгестәр уларҙы бер бүлмәлә ҡабул итте. Рәсми ҡағыҙҙарҙы Гөлдәр Фәнил ҡыҙы үҙе тултырып ултырҙы. Социаль хеҙмәткәрҙең ярҙамы менән диспансерлаштырыуҙы тиҙ генә үтеп ҡайттыҡ. Беҙҙең кеүек оло йәштәгеләргә шундай иғтибар бирелеүенә бик шатбыҙ.

Роза Ғәббәсова.

Тәүәкәс ауылы.