Ташҡын һорап килмәй

Ошо көндәрҙә яҙғы ташҡынға ҡаршы комиссия ултырышында район хакимиәте башлығы И.Н.Әминев, уның урынбаҫарҙары, 63-сө янғын һүндереү часы начальнигы Н.Ф.Вәлиев, райондың граждандар оборонаһы һәм ғәҙәттән тыш хәлдәр буйынса белгес А.И.Антипин, ауыл хакимиәттәре башлыҡтары, ойошма һәм предприятие етәкселәре ҡатнашты.

Районда 2020 йылда яҙғы ташҡынды имен-аман үткәреү, хәүефһеҙлек сараларын ойоштороу – сараның төп маҡсаттарының береһе булды. Һөйләшеү барышында ташҡын осорона махсус бригадаларҙың һәм техниканың әҙер булыуы, һыу баҫыу янаған ауылдарҙа хәүефһеҙлек ҡағиҙәләре буйынса халыҡ менән әңгәмәләр ойошторолоуы хаҡында белдерелде. Шулай уҡ комиссия ағзаларына махсус бурыстар йөкмәтелде.