“Иң яҡшы сантехник. Рәсәй кубогы”

Торлаҡ-коммуналь хужалыҡ хеҙмәткәрҙәре һөнәри байрамын ҡаршылағанда “Иң яҡшы сантехник. Рәсәй кубогы” чемпионатының финал этабында ҡатнашыусыларҙың исемдәре билдәләнде.

Бөтә Рәсәй чемпионатының һайлап алыу этаптары ярты йылдан ашыу дауам итте. Уларҙа Рәсәйҙең бөтә төбәктәренән 100-гә яҡын команда ҡатнашты. Йомғаҡлау тиҫтәһенә Мәләүездән “Мастер Сан” инде.

Финалға сыҡҡандарҙы һөнәри байрам алдынан иғлан итеү күптән яҡшы йолаға әүерелде. “Торлаҡ-коммуналь хужалыҡ-2020” форумы Силәбелә уҙғарылды. Унда Рәсәй Президенты Владимир Путиндың башланғысы менән тормошҡа ашырылған “Торлаҡ һәм ҡала мөхите”, “Хеҙмәт баҙары” милли проекттары нигеҙендә торлаҡ-коммуналь хужалыҡ системаһын яңыртыу тураһында һүҙ барҙы.

Сантехниктар чемпионаты һигеҙенсе тапҡыр уҙғарылды. Был проект Рәсәй Президенты гранттарына конкурста өс тапҡыр еңеп сыҡты.