Инйәр
-29 °С
Болотло
75 лет Победы
Бөтә яңылыҡтар
Төрлөһөнән...
17 Март 2020, 09:41

Башҡортостандың Тышҡы иҡтисади бәйләнештәр буйынса дәүләт комитеты етәксеһе

Башҡортостан Республикаһының Тышҡы иҡтисади бәйләнештәр буйынса дәүләт комитеты етәксеһе итеп дәүләт комитеты рәйесенең беренсе урынбаҫары Маргарита Болычева тәғәйенләнде. Республика башлығы Радий Хәбиров тейешле указға ҡул ҡуйҙы. Маргарита Болычева рәйес вазифаһын башҡара.
Башҡортостан Республикаһы хөкүмәтенең матбуғат хеҙмәте мәғлүмәттәре буйынса, республика башлығының икенсе указы менән Руслан Мирсаяпов үҙ теләге буйынса Дәүләт комитеты рәйесе вазифаһынан бушатылды. «Башинформ» агентлығы хәбәр иткәнсә, ул Рәсәйҙең Азербайжандағы сауҙа вәкиле итеп тәғәйенләнде.
Маргарита Болычева Мәскәү дәүләт университетында глобаль процестар һәм халыҡ-ара иҡтисад йүнәлеше буйынса магистратураны, 2015 йылда ошонда уҡ журналистика факультетын, 2017 йылда Юғары иҡтисад мәктәбен тамамлаған. 2019 йылда «Ялта халыҡ-ара иҡтисади форумы» фондында генераль директор урынбаҫары булып эшләгән. 2014 йылда Сочиҙа Олимпия уйындары барышында матбуғат конференцияларын ойоштороусы, «Берҙәм Рәсәй» партияһының ХII съезында халыҡ-ара атташе. Башҡортостандың «Офис-төркөм» конгресс-бюроһы директоры вазифаһын биләгән, тип хәбәр иттеfedpress.ru.
Читайте нас в