13 февраль — Бөтә донъя радио көнө

Был дата осраҡлы һайланмаған — 1946 йылдың 13 февралендә Берләшкән Милләттәр ойошмаһы штаб-фатирында урынлашҡан халыҡ-ара радио тәүге тапҡыр эфирға сыға. Бөйөк Ватан һуғышы йылдарында радио халыҡ өсөн төп мәғлүмәт сығанағы була. Һуғыш йылдарында Өфөлә Коммунистик Интернационал башҡарма комитеты учреждениелары эшләй. Шулай итеп, Башҡортостан Донъя коммунистик идеология үҙәге, оккупациялағы Европаның ҡаршылыҡ хәрәкәтенең төп пунктына әүерелә. 1941-43 йылдарҙа Коминтерн радиостанцияһы тап Өфөлә эшләй, Европаның 18 телендә радиотапшырыуҙар алып барыла. Кушнаренко районында Коминтерн мәктәбе урынлаштырыла, унда антифашистар, Европала ҡаршылыҡ хәрәкәте өсөн етәкселәр әҙерләй.