Балаға ҡаты мөғәмәләлә булған өсөн

Суд ултырышы барышында асыҡланыуынса, бәләкәс баланы ҡарауға алған әсә булараҡ, ғәйепләнеүсе РФ Ғаилә кодексы талаптарын боҙоп, оҙайлы ваҡыт үҙенең ата-әсә бурысын үтәмәй, уға ҡарата ҡаты мөғәмәләлә була, йәшәү өсөн тейешле шарттар менән тәьмин итмәй.

Мәҫәлән хөкөм ителеүсе ҡатын үткән йылдың 16 майында баланың тәненең төрлө урындарына, шул иҫәптән битенә ҡайыш менән һуға. Үҙенең енәйәти ғәмәленйәшереү маҡсатында 17 майҙан алып 31-енә тиклем уны мәктәпкә ебәрмәй тота. Шулай уҡ тәрбиәләүҙең ҡаты ысулдарын ҡулланып, бәлиғ булмаған баланың даими рәүештә иркен ҡыҫа. 2019 йылдың май — июнь айҙарында бер нисә тапҡыр бәләкәсте йылытылмаған, еүеш бинала — гаражда төнгөлөккә ҡалдырған һәм сабый һалҡын бетон иҙәндә йоҡларға мәжбүр була.

Хөкөм ителеүсе үҙенең ғәйебен тулыһынса таныны. Енәйәттең йәмғиәткә хәүефлелеген һәм ҡатындың шәхесе тураһында белешмәләрҙе иҫәпкә алып, шулай уҡ енәйәт эшен айырыуса тәртиптә ҡарағандан һуң суд ғәйепләнеүсегә 30 мең һум күләмендә штраф язаһы билдәләне.