Миҙалдар сыңы

Өфө ҡалаһында ирекле көрәш буйынса ойошторолған республика беренселегендә 12 йыйылма команда, шул иҫәптән “Импульс” балалар ижады һәм спорт үҙәгендә шөғөлләнеүсе райондаштарыбыҙ ҙа, үҙ-ара көс һынашты. Ярыш 2000-2002 һәм 2003-2004 йылғы үҫмерҙәр һәм ҡыҙҙар араһында үтте.

Бәйгелә тренерҙар И.Ә.Әхмәтйәнов менән Н.З.Бәширов етәкселегендәге йәш көрәшселәребеҙ ярайһы уңыштарға өлгәште. Үҙ ауырлыҡ категорияларында Азимжонов Шайхзод, Анна Коробова, Николай Коробов – “алтын”, Турабова Алиса – “көмөш”, Гәрәева Диана, Голонза Богдан, Шарафетдинова Милена, Гаричева Дарина, Шәрифуллин Радмир, Кобяков Никита, Амон Дмитрий “бронза” миҙал яуланы.