Рәсәйҙә әсәлек капиталы артты

1 ғинуарҙан ғәмәлгә ингән үҙгәрештәргә ярашлы, уның күләме 466 мең 617 һумға тиклем үҫте, тип хәбәр иттеләр Пенсия фондының матбуғат хеҙмәтенән.

Былтырғы менән сағыштырғанда, түләү күләме 13,6 мең һумға, йәки 3 процентҡа, артҡан. Индексация сертификатында аҡса булған бөтә ғаиләләргә ҡағылды. Улар 3,4 миллионға етә.

Әле ғаиләләр әсәлек капиталын торлаҡ шарттарын яҡшыртыуға, йорт төҙөүгә, һатып алыуға, уға сығымды ҡаплауға, баланы уҡытыуға, инвалид баланы социаль яраҡлаштырыуға, әсәнең пенсияһын арттырыуға тотона ала.