Сәләмәт тәндә – сәләмәт рух

2019 йылдың 21 декабренән ағымдағы йылдың 8 ғинуарына тиклем районда спорт һәм һаулыҡ декадаһы уҙҙы. Халыҡты физик культураға һәм спортҡа ылыҡтырыу, сәләмәт тормош рәүешен пропагандалау маҡсатында райондың йәштәр эше, спорт һәм физик культура комитеты, “Йәйғор” балалар һәм үҫмерҙәр клубы, ауыл биләмәләре тарафынан бихисап спорт саралары ойошторолдо.

Яңы йыл алдынан “Йәйғор” балалар һәм үҫмерҙәр клубында 49-сы Красногорский һайлау округы буйынса йәштәр араһында шахмат ярышы уҙҙы. Бәйгелә ҡатнашыусыларҙы БРДәүләт Йыйылышы – Ҡоролтай депутаты Булат Әсәҙуллин, район хакимиәте башлығы Илшат Әминев сәләмләне. Уйындарҙа 5 йәштән алып 35 йәшкә тиклемге шахматсылар ҡатнашты.