Шахматсыбыҙ – өсөнсө!

23-24 ноябрь Өфө ҡалаһында районыбыҙҙың өс йыйылма командаһы (“Йәйғор- 1”, “Йәйғор-2”, 1-се Архангел мәктәбе) Конгресс-холда уҙған тиҙ шахмат буйынса “Буласаҡ чемпиондар лигаһы”ның Башҡортостан Республикаһы беренселегендә ҡатнашты. Ярышта Башҡортостандың төрлө район-ҡалаларынан 95 йыйылма команданан 500-гә яҡын шахматсы зирәклектә көс һынашты.

Ике көн дауамында ойошторолған бәйгелә йәш шахматсыларыбыҙ үҙ командаларын алға сығарыу өсөн бар тырышлығын һалды. Дөйөм һөҙөмтәләр буйынса ауыл йыйылма командалары араһында яҡташтарыбыҙ 8-се, 12-се һәм 14-се урынға сыҡты. Шәхси беренселектә Әхиәров Эмиль беренсе таҡтала өсөнсө урынды яулап, кубок, миҙал һәм Маҡтау ҡағыҙы менән бүләкләнде.