Инйәр
-16 °С
Болотло
75 лет Победы
Бөтә яңылыҡтар
Төрлөһөнән...
25 Ноябрь 2019, 11:10

Хоҡуҡи белемде үҫтереү йәһәтенән

21 ноябрҙә Ҡырмыҫҡалы район ара судының Архаангелдәге суд участкаһы тарафынан 2-се мәктәптең 10 класс уҡыусылары (класс етәксеһе Н.Ю Тимакова ҡарауы аҫтында) менән осрашыу үткәрелде. Сараның маҡсаты — йәш быуындың хоҡуҡи белемен үҫтереү, Рәсәй суд системаһына ыңғай ҡараш, законға итирамлы мөнәсәбәт формалаштырыу, шулай уҡ һөнәри йүнәлеш биреү.

21 ноябрҙә Ҡырмыҫҡалы район ара судының Архаангелдәге суд участкаһы тарафынан 2-се мәктәптең 10 класс уҡыусылары (класс етәксеһе Н.Ю Тимакова ҡарауы аҫтында) менән осрашыу үткәрелде. Сараның маҡсаты — йәш быуындың хоҡуҡи белемен үҫтереү, Рәсәй суд системаһына ыңғай ҡараш, законға итирамлы мөнәсәбәт формалаштырыу, шулай уҡ һөнәри йүнәлеш биреү.
Экскурсия бинаның ишеге алдынан уҡ, йәғни суд эшмәкәрлегендә урынлаштырылған тәртип буйынса уҡыусылар суд приставында теркәү үткәндән башланды. Улар үткәреү режимы тәртибе, техника менән йыһазландырылған һаҡ посты менән танышты.
Урлашыуҙа ғәйепләнеүсене тикшереү буйынса суд ултырышы барышын ҡарап, балалар судья, суд ултырышы секретары, прокурор һәм адвокаттың хеҙмәте тураһында мәғлүмәт алды.
Судья ярҙамсыһы Р.Х.Ғәлина суд струтураһы, функцияһы, суд хөкүмәте символдары, суд процестарын төшөрөүсе мәғлүмәт технологиялары (аудио-видео системалары) мөмкинлектәре, ситтән тороп суд ултырышы уҙғарыу өсөн видеоконференц-бәйләнеш, бәлиғ булмағандарҙың административ һәм енәйәти яуаплылыҡтары тураһында һөйләне, уҡыусыларҙың төрлө һорауҙарына яуаптар бирҙе һәм илебеҙҙең лайыҡлы, уңышлы граждандары булыуҙарын, хөкөм ителеүсе ғәмәлендә судҡа эләкмәүҙәрен теләне.
Экскурсия һуңында балалар суд аппараты кабинеттарын, ҡабул итеү, һаҡ аҫтында тотоу бүлмәләрен, суд ултырышы залын ҡараны.
Рәйлә Ғәлина,
Ҡырмыҫҡалы район-ара судьяһы ярҙамсыһы.
Читайте нас в